ԵՐԵՎԱՆ 17 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 965,67 դրամ ԱՐԾԱԹ - 264,44 դրամ ՊԼԱՏԻՆ - 12 988,57 դրամ

«Ադրբեջանական համայնքի» ակտիվացմանը պետք է հակազդել

Ադրբեջանն ակտիվ ջանքեր է գործադրում այսպես կոչված «Լեռնային Ղարաբաղի ադրբեջանական համայնքի», որպես Արցախյան հակամարտության կարգավորման գործընթացում դերակատարի, միջազգային ընկալման բարձրացման ուղղությամբ:

Վերջին շրջանում այդ կեղծ միավորի ղեկավարը հանդիպումներ ունեցավ ԵԱՀԿ ՄԽ համանախագահ երկրներից երկուսի՝ Ֆրանսիայի և ԱՄՆ դեսպանների հետ: Ռուսաստանի արտգործնախարարը ողջունեց համայնքների միջև շփումների հնարավորությունը: Իսկ երեկ համացանցում հայտնվեց այդ միավորի ղեկավարի լուսանկարը ԵԱՀԿ գործող նախագահի հատուկ ներկայացուցչի հետ: Փաստացի, ողջ միջնորդական կազմն ուղիղ շփումների մեջ է մտնում այդ միավորի ղեկավար Թուրալ Գյանջալիևի հետ:

Եթե անցյալում երբեմն տարածաշրջանային այցերի ընթացքում ԵԱՀԿ ՄԽ համանախագահներն ու Անջեյ Կասպրչիկը հանդիպում էին նաև Ադրբեջանում բնակվող փախստականների հետ, ապա այժմ այս շփումներն արդեն ավելի ինստիտուցիոնալ բնույթ են ստանում և դուրս են տարածաշրջանային այցերի տրամաբանությունից:

Ավելին, այդ արհեստածին միավորի ղեկավարը, այսպես կոչված, Ստեփանակերտի օկրուգից, իբրև Արցախից հեռացած ադրբեջանցիների կողմից, ընտրվեց որպես պատգամավոր Ադրբեջանի խորհրդարանում: Իսկ դա նշանակում է, որ ապագայում նա կարող է ընդգրկվել միջազգային խորհրդարանական կազմակերպություններում ադրբեջանական պատվիրակությունների կազմում և արդեն միջազգային հարթակներից տարածել կեղծ քարոզչություն՝ իրենց «հայրենազրկության» և «հայերի անհանդուրժողականության» մասին:

Բացի այդ, օգտվելով Հայաստանի ԱԳՆ անզգույշ պնդումներից, որ «Արցախի ընտրված ներկայացուցիչները» պետք է ներգրավված լինեն բանակցային գործընթացում, Ադրբեջանի ԱԳՆ-ն արդեն շրջանառության մեջ դրեց Թուլալ Գյանջալիևին որպես Արցախի ադրբեջանցիների ընտրված ներկայացուցիչ ներկայացնելու թեզը: Այսինքն, հետագայում արդեն, հղվելով Հայաստանի պաշտոնական հայտարարությունների վրա, Ադրբեջանը կպահանջի ներգրավվել նրան բանակցային գործընթացում:

Կարող ենք փաստել, որ Արցախն անհապաղ բանակցային գործընթաց վերադարձնելու Հայաստանի ներկայիս իշխանությունների չհաշվարկված և ռիսկերին հակազդելու անպատրաստ քաղաքականությունը պարարտ հող ստեղծեց, այսպես կոչված, «ադրբեջանական համայնքին» բանակցային գործընթաց վերադարձնելու Ադրբեջանի վաղեմի երազանքը կյանքի կոչելու ուղղությամբ գործնական քայլեր անելու համար: Այսօր այս ստեղծված ռիսկերին հակազդելու և անցանկալի զարգացումները կանխելու համար անհրաժեշտ է նախ հստակ գիտակցել խնդիրը, չխուսափել այն ամենատարբեր հարթակներով բարձրաձայնելուց և հստակ պլանավորված լայնամասշտաբ թայլեր ձեռնարկել, և ոչ թե առաջնորդվել խնդիրն անտեսելու, չկարևորելու կամ արհամարհելու մարտավարությամբ:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 55%
Քամի՝ 6 կմ/ժ
17 C°
 
16°  28° 
28.05.2020
16°  30° 
29.05.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: