ԵՐԵՎԱՆ 17 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 763,76 դրամ ԱՐԾԱԹ - 269,15 դրամ ՊԼԱՏԻՆ - 12 944,31 դրամ

«Կառուցողական» Ադրբեջանը կրկին պատերազմով է սպառնում

 Ադրբեջանը հերթական անգամ սպառնում է պատերազմ սանձազերծել, եթե խաղաղ բանակցություններն իրենց համար ցանկալի հանգուցալուծման չհասցնեն Արցախյան հակամարտությունը, իսկ Հայաստանի ղեկավարը պնդում է, որ Ադրբեջանի նախագահը կառուցողական է և ցանկություն ունի կարգավորելու հակամարտությունը:

Հիշեցնենք, մայիսի 6-ին Ազգային Ժողովում Նիկոլ Փաշինյանը հայտարարել էր. «Ես, օրինակ, Ադրբեջանի նախագահի հետ շփումներից զգում եմ, որ ինքը տրամադրված է և ուզում է հարցի լուծում: Մենք էլ ենք կառուցողական տրամադրված, իրենք էլ»:

Այս հայտարարությունից ուղիղ երկու օր անց Ադրբեջանի ԱԳՆ-ն հայտարարություն է տարածում, որում ասվում է, որ Ադրբեջանը շահագրգռված է հնարավորինս արագ կարգավորել հակամարտությունը: Սակայն, Բաքուն թելադրում է կարգավորման իր պատկերացրած սցենարը, որը հիմվում է Ադրբեջանի տարածքային ամբողջականության վերականգնման և «ԼՂ-ից և հարակից շրջաններից հայկական օկկուպացիոն զորքերի դուրսբերման» վրա: Ավելին, ԱԳՆ հայտարարության մեջ ասվում է, որ «եթե բանակցությունները չպսակվեն Հայաստանի կողմից օկուպացիայի ավարտով, Ադրբեջանն իրեն իրավունք է վերապահում վերականգնել իր ինքնավարությունն ու տարածքային ամբողջականությունը»: Այլ կերպ ասած, պաշտոնական Բաքուն սպառնում է պատերազմ սկսել, եթե բանակցություններով չկարողանա հասնել իր ցանկացած լուծմանը: Ի դեպ, սա Ադրբեջանի ոչ առաջին և ոչ միակ նմանատիպ հայտարարությունն է:

Այս պարագայում ի՞նչ կառուցողականության մասին է խոսում Փաշինյանը:

Բնականաբար, Ադրբեջանի նախագահը ցանկանում է հասնել Արցախյան հակամարտության կարգավորման, սակայն միայն այնպիսի կարգավորման, որը կբավարարի Բաքվի առավելապաշտական նկրտումները: Հետևաբար, այստեղ կառուցողականության մասին խոսք լինել չի կարող: Եվ Հայաստանի վարչապետի կողմից Բաքվի կառուցողականության մասին խոսելն առավել քան մեծ ռեվերանս է Ադրբեջանի հասցեին:

Դրա փոխարեն, այն բանից հետո, երբ Հայաստանի արտգործնախարարությունը հայտարարություն արեց Հայաստանի դիրքորոշման մասին, ի դեպ՝ Ադրբեջանի համեմատ խիստ կառուցողական և ոչ առավելապաշտական, Բաքուն սկսեց աղաղակել, որ Հայաստանի փակուղի է մտցնում բանակցային գործընթացը և սկսեց մեղադրել գործընթացը տապալելու փորձի համար:

Այժմ շատ ավելի տեղին կլիներ, որ Հայաստանի ԱԳՆ-ն ու վարչապետը միջազգային հանրության ուշադրությունը հրավիրեին Բաքվի ոչ կառուցողական, ագրեսիվ և ռազմատենչ հռետորաբանության ու քաղաքականության վրա: Հայաստանի կառուցողականությունը կարևոր է միջազգային հանրության ընկալումների վրա ազդելու համար, սակայն այն պետք է զուգարդվի ոչ թե Բաքվին «գովելով», այլ Բաքվի ապակառուցողականությունն ու ագրեսիվությունը շեշտելով և բոլորի համար ակնհայտ դարձնելով:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 53%
Քամի՝ 8 կմ/ժ
17 C°
 
14°  27° 
31.05.2020
15°  27° 
01.06.2020
Հարցում

Բավարարվա՞ծ եք ՄԻԵԴ որոշումով՝ կապված Գուրգեն Մարգարյանին սպանողին հերոսացնելու գործի հետ: