ԵՐԵՎԱՆ 9 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28 885,86 դրամ ԱՐԾԱԹ - 448,71 դրամ ՊԼԱՏԻՆ - 19 984,14 դրամ

Փաշինյանի ելույթն ԱԽ-երի համատեղ նիստում. շտկման փորձեր և խնդրահարույց թեզեր

Հայաստանի և Արցախի անվտանգության խորհուրդների համատեղ նիստում Նիկոլ Փաշինյանի ելույթը կարելի է վերջին շրջանի մի շարք բացթողումներ լրացնելու փորձ համարել: Դրանց թվում և՛ Ադրբեջանի ռազմատենչ հայտարարություններին ոչ ժամանակին արձագանքելն է, և՛ Արցախի սուբյեկտայնությանը հասցված վնասները, և՛ Ադրբեջանի ղեկավարին հասցեին շռայլած դրական խոսքերը: Սակայն, նման բացթողումներն ու դրանք ուշ շտկելու փորձերը հաճախ ոչ միայն բավարար արդյունավետ չեն, այլև նոր ռիսկեր ստեղծող:  

Դրա հետ մեկտեղ Հայաստանի վարչապետի ելույթում կային որոշակի խնդրահարույց թեզեր:

Առաջինը, Փաշինյանի ելույթից կարելի է տպավորություն ստանալ, թե Արցախի նախորդ իշխանությունները չեն կազմակերպել երկրի քաղաքական ու տնտեսական կյանքը, չեն ապահովել անվտանգությունը, կամ մանդատ չեն ունեցել ներկայացնելու Արցախի ժողովրդին բանակցային գործընթացում: Իհարկե, դա այդպես չէ, և, բնականաբար, այս երեք հարցերում այս նոր իշխանություններն ունեն նույն լիազորությունները, ինչ նախորդները:

Երկրորդ, Նիկոլ Փաշնյանն այդպես էլ չի հրաժարվում իր այն թեզից, որ անհրաժեշտ է այնպիսի կարգավորում, որն ընդունելի կլինի Հայաստանի ժողովրդի, Արցախի ժողովրդի և Ադրբեջանի ժողովրդի համար: Ալիևի թեկուզ միայն երեկվա ելույթն ԱլԳ գագաթաժողովին պետք է բավարար լիներ հասկանալու, որ այս թեզը չի գործում և ժամանակն է հրաժարվել դրանից:

Եվ երրորդ, Հայաստանի ղեկավարը, որը հաճախ չի արձագանքում Ադրբեջանի նույնիսկ այն հայտարարություններին, որոնք իսկապես արձագանքի կարիք ունեն և որոնց ի պատասխան Հայաստանից հնչող լռությունը մեծացնում է Բաքվի ախորժակը, որոշել էր խոսել ադրբեջանական մի կեղծ նախաձեռնության մասին, որի հանրայնացումը մեր շահերից չէ:

 

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 39%
Քամի՝ 5 կմ/ժ
9 C°
 
-1°  11° 
06.03.2021
  11° 
07.03.2021
Հարցում

Կո՞ղմ եք Covid-19 պատվաստումներին, եթե Հայաստանում նման գործընթաց սկսվի: