Սյունիքն այսօր "միջանցք" լինելուց ավելին է հավակնում դառնալ Բաքվի համար. Հերմինե Մխիթարյան

«Հայացք» վերլուծական կենտրոնի փորձագետ Հերմինե Մխիթարյանը ֆեյսբուքյան գրառմամբ անդրադարձել է Սյունիքի վերաբերյալ Ադրբեջանի նախագահ Իլհամ Ալիևի վերջին հայտարարություններին.

«Ադրբեջանի նախագահն այսօր հայտարարեց, որ եթե իրենք "վերադառնում են Զանգեզուրի միջանցք, ապա ինչու՞ չվերադառնան նաև Երևան"՝ պնդելով, որ ի նկատի չունի տանկերով վերադարձը։ Սա բավական հետաքրքիր մոտեցում է, որով, ըստ էության, նոր կշիռ ու նշանակություն է տրվում Սյունիքի մարզին։

Տրամաբանությունը հետևյալն է՝ Սյունիքը Բաքվի համար դիտարկվում է ոչ միայն որպես կոմունիկացիաներն ապահովող միջանցք, այլև միջանցք (տարածք), որով Ադրբեջանը (կամ ավելի լայն՝ թյուրքական աշխարհը) դեմոգրաֆիական ու տնտեսական առումներով մուտք են գործելու Հայաստան, այդ թվում՝ կոնկրետ շեշտելով՝ Երևան։