ԵՐԵՎԱՆ 25 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 763,76 դրամ ԱՐԾԱԹ - 269,15 դրամ ՊԼԱՏԻՆ - 12 944,31 դրամ

Ջեմ Օզդեմիրը կոչ է արել Թուրքիային բացել Հայաստանի հետ սահմանը

Գերմանիայի Կանաչների կուսակցության առաջնորդ Ջեմ Օզդեմիրը, ով ազգությամբ թուրք է, կոչ է արել Թուրքիային առանց նախապայմանների դիվանագիտական հարաբերություններ հաստատել Հայաստանի հետ: Այս մասին փոխանցում է Masis Post-ը: Նա նաև կոչ է արել բացել Հայաստանի հետ սահմանը և այն կոչել Հրանդ Դինքի անունով, քանի որ վերջինս իր ամբողջ կյանքի ընթացքում պայքարել է հայ և թուրք ժողովուրդների բարեկամության համար:

Անդրադառնալով Հայոց ցեղասպանությանը՝ Օզդեմիրը համոզմունք է հայտնել, որ Անկարան, վաղ, թե ուշ ստիպված կլինի ճանաչել Օսմանյան կայսրությունում 1915թ. իրականացված հայոց ցեղասպանությունը:

Հայոց ցեղասպանությունը ճանաչելու փաստն իր կողմից ընդգծելու համար ազգությամբ թուրք քաղաքական գործիչը նախորդ շաբաթ Երևան կատարած այցի ժամանակ ծաղիկներ է դրել Հայոց ցեղասպանության զոհերի հուշահամալիրին:

Նա հանդես է եկել նաև թուրքական իշխանությունների կողմից Գալիպոլիի ճակատամարտի 100-ամյակը ապրիլի 24-ին նշելու նախաձեռնության քննադատությամբ: Օզդեմիրը համոզված է, որ նույնիսկ այդ տոնակատարությունը չի կարող շեղել միջազգային հանրության ուշադրությունը Հայոց ցեղասպանության 100-ամյա տարելիցից: «Դա չի աշխատի, քանի որ թուրքերը հիշում են, որ Գալիպոլիի ճակատամարտը տեղի չի ունեցել ապրիլի 24-ին:  Սա առաջին անգամն է, որ այդ իրադաձությունը նշվում է այս օրը»,-ասել է Օզդեմիրը:  

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 23%
Քամի՝ 6 կմ/ժ
25 C°
 
16°  28° 
01.06.2020
16°  28° 
02.06.2020
Հարցում

Բավարարվա՞ծ եք ՄԻԵԴ որոշումով՝ կապված Գուրգեն Մարգարյանին սպանողին հերոսացնելու գործի հետ: