System of a Down-ը Ցեղասպանության 100-րդ տարելիցի ոգեկոչումը կսկսի լոսանջելեսյան համերգով

• 03.04.2015, 09:50
•  Աշխարհ,  Հայաստան,  Սփյուռք,  No-politics

«Գրեմմիի» մրցանակակիր System of a Down ռոք խումբը պաշտոնապես մեկնարկել է իր Wake Up the Souls («արթնացրու հոգիները»)  համաշխարհային համերգային շրջագայությունը, որը նվիրվում է Հայոց ցեղասպանության 100-րդ տարելիցի ոգեկոչմանը, գրում է Newsweek-ը։

Պարբերականի փոխանցմամբ` սա առաջին անգամն է, որ ամերիկյան ռոք խումբը, որի բոլոր անդամները Ցեղասպանությունը վերապրած հայերի ժառանգներն են, երկար ընդմիջումից հետո  ելույթ կունենա  երկրում: Համերգային շրջագայությունը մեկնարկում է ապրիլի 6-ին` լոսանջելեսյան համերգով: Շրջագայության ընթացքում ռոք խումբը ելույթներով հանդես կգա Բրիտանիայում, Գերմանիայում, Ֆրանսիայում, Բելգիայում, Նիդերլանդներում, Ռուսաստանում, որոնց կհաջորդի երևանյան համերգը Հանրապետության հրապարկում՝ ապրիլի 23-ին:

 Հետագայում համերգային շրջագայությունը կշարունակվի Հարավային Ամերիկայի երկրներում:

«Մեզ համար մեծ պատիվ է՝ նվագել Հայաստանում` Ցեղասպանության  100-րդ տարելիցի տարում: Ցեղասպանությունը հիվանդություն է, որ շարունակում է տանջել նաև այսօր: Մեզ` խմբի անդամերիս համար, ովքեր իրենց ընտանիքում կրում են Ցեղասպանության զոհերի վիշտը, կարևոր է ուշադրություն հրավիրել այս հարցի շուրջ», - ասել է Սերժ Թանկյանը: