ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 24 465,11 դրամ ԱՐԾԱԹ - 275,22 դրամ ՊԼԱՏԻՆ - 15 080,54 դրամ

«Շարժում-88» կուսակցություն. Մենք աշխատելու ենք առավելապես երիտասարդների հետ

ԼՂՀ խորհրդարանական ընտրություններից «Շարժում-88» կուսակցություն ակնկալիքները կիսով չափ են արդարացել: Այս մասին «Արմեդիա» ՏՎԳ հետ զրույցում հայտնել է Արցախի «Շարժում-88» կուսակցության ներկայացուցիչ Էդուարդ Աղաբեկյանը:   

Ադրադառնալով ընտրությունների ընթացքին՝ նա նշեց, որ այն անցել է բավականին լավ և հավելեց. «Այս ընտրությունները շահեկանորեն տարբերվում էին: Դրանք անցան հանգիստ մթնոլորտում»: Աղաբեկյանի խոսքով, որևէ էական խախտումներ տեղի չեն ունեցել, ամեն ինչ անցել է ընտրական Օրենսգրքին համապատասխան՝ չհաշված մի քանի չնչին խնդիրներ:

Խոսելով նոր ԱԺ-ում «Շարժում-88» կուսակցության անելիքների մասին՝ Աղաբեկյանը վստահեցրեց, որ իրենք ամեն ինչ անելու են իրենց՝ նախընտրական ծրագրում ներառված նպատակները հնարավորինս կյանքի կոչելու համար:

«Շարժում-88» կուսակցությունը, ըստ Աղաբեկյանի, կոալիցիա կազմելու որևէ մտադրություն չունի, սակայն  աշխատելու և համագործակցելու է այն բոլոր քաղաքական ուժերի հետ, որոնց իրականացրած գործունեությունը կհամընկնի իրենց նպատակներին՝ ամրագրված նախընտրական ծրագրում: «Մենք աշխատելու ենք առավելապես երիտասարդների հետ: Մենք նրանց հետ համագործակցության փորձ արդեն ունենք»,- ասել է նա:

«Շարժում-88» կուսակցությունն ընդգրկվել է նորընտիր խորհրդարանի կազմում՝ հավաքելով ձայների  6.93 տոկոսը։

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Թեթև ձյուն, անձրև
Խոնավություն՝ 88%
Քամի՝ 4 կմ/ժ
1 C°
 
   
21.02.2020
   
22.02.2020
Հարցում

Իրան-ԱՄՆ դիմակայության ուժեղացումը կանդրադառնա՞ Հայաստանի վրա: