ԵՐԵՎԱՆ 17 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Հայաստանը կարող է ԵԱՏՄ-ի ու ԵՄ-ի հետ սերտորեն համագործակցող առաջին երկիրը դառնալ

Հայաստանը կարող է դառնալ առաջին երկիրը, որը սերտորեն համագործակցում է միաժամանակ և՛ Եվրասիական տնտեսական միության, և՛ Եվրամիության հետ: 

Ինչպես նշում է NEWS.am-ը՝ այս մասին հայտարարել է Աշխարհաքաղաքական վերլուծության եվրոպական կենտրոնի ղեկավար, լեհ փորձագետ Մատեուշ Պիսկորսկին: 

Նրա խոսքով, ներկայում Հայաստանը փորձում է կառուցողական երկխոսություն վարել Եվրամիության հետ, ինչը վկայում է, որ եթե Երևանը հաջողության հասնի, ապա Հայաստանը կարող է որոշակի կամուրջ դառնալ Եվրասիական տնտեսական և Եվրոպական միությունների միջև: 

«Հույս ունեմ, որ Հայաստանն իսկապես կդառնա առաջին երկիրը, որը կկարողանա միաժամանակ սերտորեն համագործակցել ինտեգրացիոն երկու կառույցների հետ: Մենք հրաշալի հասկանում ենք, որ եթե չլինեին ընթացիկ քաղաքական պատճառները, այս երկու կառույցները դատապարտված են սերտ փոխգործակցության: Հույս ունեմ, որ հայ դիվանագետները կկարողանան փոխգործակցության սխեմա մշակել, որը կհամապատասխանի երկու կառույցների շահերին և, առաջին հերթին, հենց Հայաստանի շահերին»,- ընդգծեց Մատեուշ Պիսկորսկին: 

Հիշեցնենք, որ հոկտեմբերի 12-ին Լյուքսեմբուրգում ԵՄ անդամ պետությունների ԱԳ նախարարները Հայաստանի և Եվրամիության միջև բանակցություններ սկսելու մանդատ են սահմանել՝ հետագա փոխգործակցության շուրջ նոր համաձայնագիր կնքելու համար:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 48%
    Քամի՝ 3,09 կմ/ժ
    17 C°
     
    29°  16° 
    28.04.2024
    30°  17° 
    29.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: