ԵՐԵՎԱՆ 12 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Թուրքական անփոփոխ ձեռագիր. սպանված քրդերին քարշ են տալիս փողոցներով

Աշխարհի խոշորագույն երկրներից մեկը համարվող Թուրքիայում, որն այս օրերին հյուրընկալում է G-20-ի ղեկավարներին, 100 տարի անց շարունակվում են դաժանաբար վարվել կրոնական, ազգային և էթնիկ փոքրամասնությունների հետ: Լրատվամիջոցներում պարբերաբար տեղեկություններ են հայտնվում, որ Թուրքիայի հիմնականում քրդաբնակ Շիրնաք նահանգում թուրքական ոստիկանական ուժերը Քրդստանի աշխատավորական կուսակցության դեմ (PKK) պայքարի քողի ներքո սարսափելի հանցագործություններ են իրագործում խաղաղ բնակչության նկատմամբ:

Օրեր առաջ քրդական լրատվամիջոցները հայտնեցին, որ Շիրնաք նահանգի Սիլոփի շրջանում թուրքական ոստիկանական ուժերը 19-ամյա քուրդ երիտասարդի են սպանել, այնուհետև նրա դիակը կապել են մեքենայի հետևից ու գետնով քարշ տվել:

Այս դեպքը, սակայն, միակը չէ: Հոկտեմբերին միջազգային հանրությունը ցնցվեց մեկ այլ նման միջադեպից: Այս անգամ զոհը 24-ամյա Հաջի Լոքման Բիրլիքն էր: Միջադեպը մեծ հնչեղություն ստացավ թուրքական հանրության ներսում հատկապես քրդամետ Ժողովուրդների դեմոկրատիա կուսակցության շնորհիվ, որի համանախագահ Սելահեթիին Դեմիրթաշը «Թվիթեր»-ի իր միկրոբլոգում տարածեց միջադեպի լուսանկարը և մակագրեց. «Այս լուսանկարին լավ նայեք: Այն արվել է երեկ Շիրնաքում: Թող ոչ ոք չմոռանա, որովհետև մենք չենք մոռանալու»:

Սկզբում թուրքական իշխանությունները շտապեցին հերքել` պնդելով, որ լուսանկարը կեղծ է: Ինչպես նշում է The Daily Mail-ն, Արդարություն և զարգացում կուսակցությունը հայտարարեց, որ լուսանկարները պատրաստվել են PKK-ի աջակիցների կողմից և դրանց նպատակն է հեղինակազրկել կառավարությանը հանրության աչքում և ավելի բորբոքել լարվածությունը: Սակայն ավելի ուշ կառավարությունն ընդունեց, որ դրանք իրական են` հայտարարելով, որ երիտասարդը մահապարտ է եղել, և «դա ընդունված պրակտիկա է աշխարհում»: Թուրքական Sabah թերթը հայտնում է, որ կառավարության կարծիքով դա արվել է «որպես անվտանգության նախազգուշացում»:

Հետաքրքիր է` G-20-ի ղեկավարներից գոնե մեկը հարկ կհամարի՞ անդրադառնալ այս հարցին Անթալիայում Թուրքիայի նախագահի հետ բանակցություններում, թե՞ ոչ: Թերևս կռահելն այնքան էլ դժվար չէ... 

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 30%
    Քամի՝ 1,03 կմ/ժ
    12 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: