ԵՐԵՎԱՆ 10 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Բարզանին միջազգային հանրությունից անկախություն է պահանջում Քրդստանի համար

Safin Hamed/AFP/Getty Images

Իրաքյան Քրդստանի ղեկավար Մասուդ Բարզանին հերթական անգամ խոսել է անկախ քրդական պետության ստեղծման մասին: Նա կոչ է արել միջազգային ղեկավարներին ընդունել, որ «Սայքս-Պիկոյի համաձայնագիրը, որը հանգեցրեց ժամանակակից Մերձավոր Արևելքի սահմանների վերաձևմանը, տապալվել է»: Բարզանին կոչ է արել նրանց նոր համաձայնագիր մշակել՝ ճանապարհ հարթելով քրդական պետության համար, հայտնում է The Guardian-ը: 

Նրա խոսքերով միջազգային հանրությունը սկսել է հասկանալ, որ, մասնավորապես, Սիրիան և Իրաքն այլևս երբեք միասնական չեն լինելու, և «պարտադրված համագոյակցությունն» այս տարածաշրջանում սխալ էր: «Անկախ նրանց դրական կամ բացասական պատասխանից՝ այսպիսին է իրականությունը»,- նշել է Քրդստանի առաջնորդը:

Մասուդ Բարզանին խոսում է Առաջին աշխարհամարտից հետո ամրագրված է Սայքս-Պիկոյի (1916 թվական) համաձայնագրի մասին: 1916 թվականի մայիսին բրիտանացի և ֆրանսիացի դիվանագետներ Մարկ Սայքսը և Ժորժ Պիկոն գաղտնի համաձայնագիր ստորագրեցին, որով իրենց միջև բաժանեցին դեռևս չտապալված Օսմանյան կայսրությունը: Գործարքի համաձայն՝ Անգլիան իր վերահսկողությունը հաստատեց Իրաքի և Հորդանանի, ինչպես նաև Հայֆայի վրա, իսկ Ֆրանսիան ստացավ ներկայիս Թուրքիայի հարավարևելյան շրջանները, հյուսիսային Իրաքը, Սիրիան և Լիբանանը: Պաղեստինում նախատեսվում էր միջազգային վերահսկողություն հաստատել:

Հենց Սայքս-Պիկոյի համաձայնագիրն էլ հիմք հանդիսացավ Մերձավոր Արևելքում այսպես կոչված «ազգային պետությունների» ստեղծման համար: Սայքս-Պիկոյի համաձայնագիրը պատմական, մշակութային և քաղաքական իմաստով միասնական տարածքը բաժանեց մի քանի պետությունների: Այսպես ի հայտ եկան Սիրիան, Լիբանանը, Հորդանանը, Պաղեստինը:

Հյուսիսային Աֆրիկայում և Մերձավոր Արևելքում տեղի ունեցող զարգացումները նոր աշխարհաքաղաքական պայմաններ ստեղծեցին քրդերի համար, որոնք, այսպես կոչված, «արաբական գարունը» դիտարկում էին իբրև անկախանալու հնարավորություն: Իրաքյան Քրդստանի նախագահ Մասուդ Բարզանին վերջին շրջանում հաճախ է հայտարարում, որ քրդական անկախության հռչակման համար «հարմար ժամանակներն են մոտենում»:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 32%
    Քամի՝ 2,06 կմ/ժ
    10 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: