ԵՐԵՎԱՆ 5 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Յարոսլավ Լիսովոլիկ. ԵԱՏՄ-ում միասնական արժույթի ներդրման պայմաններ դեռևս չկան (բացառիկ)

«Արմեդիա» ՏՎԳ-ի բացառիկ հարցազրույցը Եվրասիական Զարգացման Բանկի (ԵԶԲ) գլխավոր տնտեսագետ  Յարոսլավ Լիսովոլիկի հետ:

 - Եվրասիական տնտեսական հանձնաժողովի ինտեգրման հիմնական ուղղվածությունների և մակրոէկոնոմիկայի նախարար Տատյանա Վալովայան կարծիք է հայտնել, որ միասնական արժույթի ներմուծումը ԵԱՏՄ–ի համար աղետով կավարտվի. ինչպե՞ս կարող եք մեկնաբանել այս գնահատականը:

- Դա ցույց է տալիս, որ ԵԱՏՄ-ում միասնական արժույթի ներդրման պայմաններ դեռևս չկան: Միասնական արժույթի ներդրումն առանց օբյեկտիվ տնտեսական պայմանների հղի է մասնատման վտանգով միասնական արժութային ոլորտում և այլ բացասական հետևանքներով տնտեսական ինտեգրման համար: Ներկայումս, ԵԱՏՄ երկրների միասնական արժույթի հարցը դեռ օրակարգում չէ, և նախքան իրավիճակն այս ոլորտում կփոխվի հօգուտ արժույթի ինտեգրմանը, պահանջվում է ԵԱՏՄ երկրների  մակրոտնտեսական քաղաքականության բավականաչափ տևական կոորդիանցիա, ինչպես նաև մակրոտնտեսական անհավասարության կրճատում, այդ թվում գնաճի, բյուջեի դեֆիցիտի և պետական պարտքի մակարդակի:

- Ի՞նչ եք կարծում, միասնական արժույթի բացակայությունը չի սահմանափակում արդյոք այնպիսի տնտեսական ինտեգրացիոն կառույցի զարգացման հեռանկարները, ինչպիսին ԵԱՏՄ-ն է:

- Ես կարծում եմ, որ այս պահին միասնական արժույթի ներդրումը կարող է տեղիք տալ ավելի մեծ ռիսկերի աճի: Որպեսզի միասնական արժույթի ներդրումը մեր երկրներում դառնա տնտեսական աճի գործոն, պետք է երկար նախապատրաստական ​​փուլ, տնտեսական ինտեգրման երկարամյա պտուղների ամրապնդում և, իհարկե, մակրոտնտեսական քաղաքականության  համակարգում: ԵՄ-ի օրինակը ցույց է տալիս, որ նույնիսկ ինտեգրման երկարատև նախապատրաստման և միասնական արժույթի  կյանքի սկզբնական փուլում բավականին  հաջող  փորձի դեպքում, հետագայում միևնույն է դժվարություններ ու մարտահրավերներ ի հայտ եկան՝ ինտեգրացիոն գործընթացների ոչ բավարար հավասարակշռության և  անցկացվող մակրոտնտեսական քաղաքականության հետ կապված: Այս ամենը վկայում է, որ ներկա պահին մեր երկրները պետք է կենտրոնանան տնտեսական անհավասարակշռությունը նվազեցնելու,  ինչպես նաև տնտեսական քաղաքականության համակարգումը բարելավելու շուրջ՝ այդ թվում ընթացիկ հակաճգնաժամային միջոցառումների  անցկացման առումով:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 56%
    Քամի՝ 2,06 կմ/ժ
    4 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: