ԵՐԵՎԱՆ 10 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 825,93 դրամ ԱՐԾԱԹ - 271,24 դրամ ՊԼԱՏԻՆ - 13 695,71 դրամ

2018թ.-ը համաշխարհային տնտեսության համար հակասական տարի էր

Newsmax.com

Համաշխարհային տնտեսությունն անցնող տարում ապրեց տարատեսակ երևույթներ՝ անսպասելի դրական ու բացասական շրջադարձերով, դարի հաշտության դեպքով, փոխհարաբերությունների՝ մինչև անգամ տնտեսական պատերազմների ու խաղաղության դրսևորումներով: Ամփոփելով համաշխարհային տնտեսության անցնող տարին՝ առանձնացնենք մի քանի ընդգծված երևույթներ, որոնք հայտնվեցին նշանակալի իրադարձությունների առանցքում:

Դարի հաշտեցումն ՝ ԱՄՆ և Հյուսիսային Կորեայի միջև տեղի ունեցավ անցնող տարվա սկզբում: Հաշտությունը երկու երկրների միջև դրական ֆոն ստեղծեց ֆինանսական շուկաներում. Ֆոնդային բորսաներում առևտուրն ակտիվացավ:

Դրական ֆոնին գումարվեց ԱՄՆ և Չինաստանի միջև առևտրային անհամաձայնությունների շուրջ թվացյալ համատեղ հայտարարի գալը: Ինչու թվացյալ, որովհետև շատ չանցած, ԱՄՆ նախագահ Թրամփի վարչակազմը որոշեց, որ Չինաստանը խախտում է առևտրային նորմերն ու չինական ապրանքների նկատմամբ սահմանեց 25% -անոց մաքսավճար: Պատասխանը չուշացավ. Չինաստանը համաչափ պատժամիջոցներ կիրառեց ԱՄՆ նկատմամբ: Մեծ քսանյակի գագաթաժողովի ընթացքում երկու երկրների ղեկավարները կրկին հաշտվեցին, համաշխարհային ֆինանսական շուկաներում կրկին աշխուժություն մտավ, սակայն լարվածություն կրկին առաջացավ՝ կապված ԱՄՆ պատվերով Կանադայում Huawei-ի տնօրենի ձերբակալության հետ: Սպասվում է, որ 2019-ին առևտրային խաղը կունենա շարունակություն:

ԵՄ ավելի շատ երկրները սկսեցին հրաժարվել Միության բյուջետային պահանջներից:  Հունական ճգնաժամի դեմ պայքարի միջոցառումների՝ ԵՄ կողմից հայտարարված հաղթական ավարտից հետո Եվրամիության ավելի շատ երկրներ սկսեցին դժգոհել դրա դիմաց իրենց վճարներից: Մասնավորապես խոսքը վերաբերում է Եվրամիության կողմից բյուջետային պահանջներին, որոնք ենթադրում են սոցիալական վճարների կրճատումներ:

Սրան գումարած Brexit-ի գործընթացը ևս Եվրամիության կայունությանը հարված հասցրեց:

Դեդորալիզացիայի գործընթացները   ևս 2018-ի առանցքային իրադարձություններից են: Ավելի շատ երկրներ սկսեցին քննարկել արտաքին գործարքներում դոլարից հրաժարվելու մասին: Պատճառներից հիմնականը՝ ամերիկյան պատժամիջոցներն են Իրանի ու Իրանի հետ գործարքի մեջ մտնող կազմակերպությունների նկատմամբ:

Անկումը թվային հարթակում  ևս 2018-ի տարեվերջյան անհանգստություններից մեկն էր. ի տարբերություն նախորդ տարվա վերջին, երբ կրիպտոարժույթների աննախադեպ աճ էր գրանցվեց, ինչի արդյունքում մեծացավ դրանց նկատմամբ վերահսկողության ու կարգավորիչների ստեղծման անհրաժեշտությունը, անցնող  տարվա վերջին դրանց անկում է նկատվում:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 70%
Քամի՝ 4 կմ/ժ
10 C°
 
  18° 
24.10.2019
  18° 
25.10.2019
Հարցում

Կարևո՞ր եք համարում Երևանում WCIT-2019-ի անցկացումը: