ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 519,28 դրամ ԱՐԾԱԹ - 261,56 դրամ ՊԼԱՏԻՆ - 13 388,89 դրամ

ԵՄ դեսպանը փորձեց խմբագրել Ադրբեջանի տարածքային ամբողջականության վերաբերյալ Դոնալդ Տուսկի հայտարարությունը

Հայաստանում Եվրամիության պատվիրակության ղեկավար Պյոտր Սվիտալսկին այսօր Երևանում տեղի ունեցած ասուլիսի ժամանակ խմբագրեց Եվրոպական խորհրդի նախագահ Դոնալդ Տուսկի՝ Բաքվում արված հայտարարությունները:

Դեսպանը հավատացրեց, որ Եվրամիության դիրքորոշումն Արցախյան հակամարտության կարգավորման գործընթացի վերաբերյալ անփոփոխ է մնում. ԵՄ-ն բացառում է հակամարտության ռազմական լուծման հնարավորությունը և լիակատար աջակցում է ԵԱՀԿ ՄԽ համանախագահության միջնորդական ջանքերին: Հղում կատարելով Հայաստան-Եվրամիություն Համապարփակ և ընդլայնված գործընկերության համաձայնագրին՝ Սվիտալսկին նշեց, որ Եվրամիությունը բազմիցս արտահայտել է իր դիրքորոշումը:

«ԵՄ-ն շատ հետևողական է, նույնիսկ երբ երբեմն այս դիրքորոշումն արտահայտվում է տարբեր բառերով, տարբեր բառակապակցություններով: Բայց դիրքորոշումը նույնն է»,- հայտարարեց Պյոտր Սվիտալսկին:

Հուլիսի 9-ին Բաքվում Եվրոպական խորհրդի նախագահը հատուկ ընդգծել էր, որ Եվրամիությունն աջակցում է Ադրբեջանի ինքնիշխանությանը, անկախությանը և տարածքային ամբողջականությանը: Բնական է, որ այս հայտարարությունն ու դրանից հետո Երևանում այն խմբագրելու ոչ մի փորձ չանելը մտահոգության տեղիք էին տվել՝ առավել ևս հաշվի առնելով Ադրբեջան-ԵՄ համաձայնագրի շուրջ բանակցություններն ու այդ համաձայնագրում Արցախյան հակամարտության վերաբերյալ միակողմանի ձևակերպումներ ամրագրելու Ադրբեջանի փորձերը:

Հուսադրող է, որ դեսպանը փորձ է անում խմբագրել Տուսկի խոսքերը և ևս մեկ անգամ հաստատում է, որ Եվրամիության դիրքորոշումն այս հարցի շուրջ չի փոխվել: Սակայն, «երբեմն հնչող տարբեր ձևակերպումների» արդարացումը որևէ կերպ ընկալելի լինել չի կարող: Ադրբեջանի համար ականջահաճո հայտարարությունները ԵՄ ամենաբարձր պաշտոնյաների կողմից չեն կարող բացատրվել որպես պարզապես տարբեր ձևակերպումներ: Եվ հայկական կողմի պաշտոնական արձագանքը պետք է հստակ հասկացնի, որ մեզ համար դա ընդունելի և ընկալելի չէ: Հակառակ դեպքում, սա կարող է ձեռագիր դառնալ և օգտագործվել Բաքվի կողմից:

Ցավոք, Հայաստանում այդ խնդիրը բարձրաձայնվեց միայն փորձագիտական և լրագրողական մակարդակով:

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 59%
Քամի՝ 5 կմ/ժ
0 C°
 
-1°  10° 
20.11.2019
   
21.11.2019
Հարցում

Կո՞ղմ եք ՀՀ վարչապետի առաջարկած բանաձևին, ըստ որի՝ Ղարաբաղյան հակամարտության կարգավորման սցենարը պետք է ընդունելի լինի բոլոր երեք կողմերի համար։