ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Նախագահը հերթական անգամ փորձ է անում խուսափել պատասխանատվությունից

Հուլիսի 26-ին նախագահ Արմեն Սարգսյանը հանդես եկավ ուղերձով՝ նշելով, որ հնարավորինս ձեռնպահ կմնա ընթացիկ զարգացումների վերաբերյալ քաղաքական բանավեճին մասնակից դառնալուց: Առաջին անգամ չէ, որ նախագահ Սարգսյանը փորձում է խուսափել ներքաղաքական կարևոր զարգացումների վերաբերյալ իր մոտեցումն ու տեսակետն արտահայտելուց՝ վկայակոչելով սահմանադրությամբ իրեն վերապահված լիազորությունները: Ավելին, անգամ այն դեպքերում, երբ պարզապես պարտադիր է նախագահի խոսքն ու գնահատականը, ունենում ենք պարզապես ոչինչ չասող ու բուն խնդիրը շրջանցող, անկարևոր ձևակերպումներով հայտարարություններ: Ասվածի վառ վկայությունը դատարանների մուտքերը արգելափակելու Նիկոլ Փաշինյանի հայտնի կոչից հետո Արմեն Սարգսյանի արած հայտարարությունն էր: Ո՞րն է պատճառը. նախագահին չի՞ հուզում երկրում տիրող իրավիճակը, նախագահը վախենու՞մ է իշխանություններին դեմ կարծիք արտահայտել, թե՞ նախագահի նկատմամբ ճնշումներ են գործադրվում: Վատ է ցանկացած պարագայում:

Սակայն միաժամանակ հարցեր է առաջացնում նաև այն, թե ինչու նախագահը որոշեց նման ուղերձ հղել հենց հիմա: Նախագահ Արմեն Սարգսյանն աշխատանքային այցով Ֆրանսիայում է և իր ուղերձը հղել է հենց այնտեղից: Նախագահը չսպասեց Հայաստան վերադառնալուն, ինչը տրամաբանական հարց է առաջ բերում՝ ինչու՞: Ի՞նչ զարգացումներ են սպասվում Հայաստանի ներքաղաքական կյանքում, որոնց վերաբերյալ դիրքորոշում արտահայտելուց նախագահը նախընտրեց հրաժարվել օր առաջ:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 87%
    Քամի՝ 3,6 կմ/ժ
    6 C°
     
    12°   
    20.03.2024
    14°   
    21.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: