ԵՐԵՎԱՆ 25 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23,184.63 դրամ ԱՐԾԱԹ - 262.56 դրամ ՊԼԱՏԻՆ - 12,745.62 դրամ

Երեք հրաձգություն մեկ օրում. ահաբեկչություն թե՞ պատահականություն

Ամերիկայի Միացյալ Նահանգներում սուգ է հայտարարված մի շարք ահաբեկչական հարձակումներից հետո, որոնք օրեր առաջ ցնցել են երկիրը: Ընդհանուր առմամբ, զոհվել է առնվազն 29 մարդ, վիրավորվել ավելի քան 60-ը: Զանգվածային սպանությունները մտել են երկրի արյունահեղությունների պատմությունների տասնյակի մեջ:

ԱՄՆ-ում 24 ժամվա ընթացքում զանգվածային հրաձգության երեք դեպք է գրանցվել: Նախ՝ Տեխասի Էլ Պասո քաղաքում գտնվող Walmart առևտրի կենտրոնի վրա հարձակման արդյունքում զոհվել էր 20 մարդ, 26-ը ՝ վիրավորվել: Իրավապահները ձերբակալել են հանցագործին, որը 21-ամյա Պատրիկ Քրուիզիոսն է։ Հարձակումից առաջ նա Twitter-ում մանիֆեստ է հրապարակել՝ հավանություն տալով այս տարվա մարտ ամսին Նոր Զելանդիայի մզկիթում տեղի ունեցած ահաբեկչությանը։ Նա հայտարարել էր, որ ներգաղթյալների պատճառով տուժում է ԱՄՆ-ի մշակույթն ու տնտեսությունը։

Դրանից հետո կրակոցներ են հնչել Օհայո նահանգի Դեյթոն քաղաքում, զոհվել է 9 մարդ, ներառյալ հրաձիգը, ևս 26-ը տուժել է: Հարձակվողը 24-ամյա  Քոնոր Բեթսն էր: Զոհվածների թվում է եղել նաև նրա քույրը:

Երրորդ դեպքը գրանցվել էր Չիկագոյի մանկական հրապարակում, որի հետևանքով վիրավորվել է 7 մարդ:  Անհայտ անձը կրակ է բացել սև Chevrolet Camaro-ից: Ձերբակալվածի մասին տեղեկություն չի հաղորդվում։

ԱՄՆ նախագահ Դոնալդ Թրամփը հայտարարել է, որ ԱՄՆ-ում զանգվածային հրաձգության դեպքերը կապված են հոգեկան հիվանդության խնդրի հետ: Նա հրաձիգներին անվանել է  «լուրջ հոգեկան հիվանդներ»։ Սպիտակ տան ղեկավարը նշել է, որ զանգվածային հրաձգությունների խնդիրը տարիներ շարունակ չի լուծվում, և դա պետք է կանգնեցնել:

Ամփոփելով, կարելի է վերոնշյալ հրաձգությունները որակել որպես ահաբեկչություն: Պետք է նշել, որ ԱՄՆ-ում զենքի վաճառքի հետ կապված կարգավորումները թերի են. 18 տարին լրացած ցանկացած անձ կարող է զենք գնել: Աճող ահաբեկչություններին քիչ թե շատ իր նպաստն է բերում նաև Թրամփի կողմից ռասիստական տրամադրությունների տարածումը:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 33%
Քամի՝ 15 կմ/ժ
25 C°
 
21°  36° 
21.08.2019
21°  36° 
22.08.2019
Հարցում

Աջակցո՞ւմ եք «Արցախը Հայաստան է և վերջ» կարգախոսը: