ԵՐԵՎԱՆ 7 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 25 571,72 դրամ ԱՐԾԱԹ - 227,32 դրամ ՊԼԱՏԻՆ - 11 581,12 դրամ

Լարիի անկումն ու գնաճի բարձր մակարդակը. տարին անբարենպաստ էր Վրաստանի համար

Վրաստանի տնտեսությունը շարունակում է մնալ ծանր կացության մեջ: Ազգային փոխարժեքի՝ լարիի շարունակական անկումը դոլարի նկատմամբ, գների աճը, որոնք որոշ ճյուղերում գերազանցում են 13 տոկոսը, հանգեցրել է երկրի Կենտրոնական բանկի կողմից ակտիվ միջամտության՝ վերաֆինանսավորման տոկոսադրույքի բարձրացման տեսքով:

 Ի՞նչ է կատարվում

2019թ.-ի դեկտեմբերի դրությամբ գնաճի տարեկան մակարդակը կազմել Է 7 տոկոս՝ 3 տոկոս նպատակային ցուցանիշի դեպքում: Պարենի գներն աճել են 13,4 տոկոսով: Հունիս ամսվանից սկսած, լարին գրանցել է դոլարի նկատմամբ փոխարժեքի շարունակական անկում. վեց ամիսների ընթացքում լարին արժեզրկվել է մոտ տասը տոկոսով:

Ֆինանսական շուկաներում արտարժույթի խիստ պակասուրդ կա՝ պայմանավորված զբոսաշրջային հոսքերի կտրուկ նվազման հետ:

Ամեն ինչ սկսվեց…

Վրացական տնտեսությանն այս տարի երկու հուժկու հարված հասցվեց՝  ՌԴ հետ ավիափոխադրումների կասեցումը և ներքաղաքական լարվածությունը: Արդյունքում երկիրը փաստացի զրկվեց զբոսաշրջային հոսքերից, հետևաբար նաև՝ երկիր մտնող արտարժույթի մեծ քանակից: Տարբեր գնահատականներով, 2019թ. այս ամենից երկիրը տուժել է մոտ 750 մլն դոլար: Համեմատության համար նշենք, որ 2018թ.-ին զբոսաշրջային համախառն եկամուտները կազմել են 3,2 մլրդ դոլար:

Հունիս ամսվանից սկսած լարին արժեզրկվեց դոլարի նկատմամբ: Դեկտեմբերին երկրի Կենտրոնական բանկը կրկին խստացրեց դրամավարկային քաղաքականությունը՝ վերաֆինանսավորման տոկոսադրույքը բարձրացնելով 0,5 տոկոսային կետով և հասցնելով 9-ի:

Ի՞նչ է սպասվում

Ազգային արժույթի անկումից առավելապես կտուժի միջին բիզնեսը,  որն ունի շատ աշխատուժ: Մեծ է հավանականությունը, որ այդպիսի կազմակերպություններն աշխատակիցների պահելու հետ կապված խնդիրներ կունենան, ինչը ենթադրում է առաջիկայում սոցիալական մեծ խնդիրներ:

Փոքր չէ հավանականությունը, որ լարիի դեվալվացիան դեկտեմբերի վերջին կդադարի, կամ  որոշակիորեն կդանդաղի՝ կապված տոների հետ: Ձմեռային զբոսաշրջության ակտիվացմանը կնպաստի ՌԴ հետ ավիահաղորդակցության վերականգնումը, ուստի սպասելի է, որ լարիի արժեզրկմամբ պայմանավորված ինֆլյացիան ևս կդանդաղի:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Անձրև
Խոնավություն՝ 85%
Քամի՝ 8 կմ/ժ
7 C°
 
  15° 
05.04.2020
  13° 
06.04.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: