ԵՐԵՎԱՆ -4 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 826,15 դրամ ԱՐԾԱԹ - 274,02 դրամ ՊԼԱՏԻՆ - 14 988,69 դրամ

Սենատի կողմից Ցեղասպանության ճանաչումը տարածաշրջանային քաղաքականության մաս կարող է լինել

ԱՄՆ Սենատի կողմից Հայոց ցեղասպանության վերաբերյալ բանաձևի ընդունումը կարևոր քայլ է ցեղասպանությունների կանխարգելման և մարդկության դեմ հանցագործությունը դատապարտելու տեսանկյունից: Սակայն մեկ դար առաջ տեղի ունեցած հանցագործությանը քաղաքական գնահատական տալու ԱՄՆ սկզբից Ներկայացուցիչների պալատի, իսկ այնուհետև նաև Սենատի ձգտումը բարդ է պայմանավորել միայն արդարությունը վերականգնելու մղումով:

Բավական է միայն հիշել, որ ԱՄՆ և Թուրքիայի նախագահների հանդիպման վայրից ԱՄՆ սենատորներից մեկը վետո կիրառեց Ցեղասպանության վերաբերյալ մեկ այլ բանաձևի նկատմամբ: Իսկ այսօր բանաձևն ընդունվեց միաձայն: Եվս մեկ հանգամանք՝ բանաձևն ընդունվեց ՌԴ արտաքին գործերի նախարարի՝ ԱՄՆ նախագահի հետ ունեցած հանդիպումից հետո:

Իհարկե, բանաձևի ընդունման հիմնական նպատակներից մեկը Թուրքիային ուղերձ հղելն է: Նույնիսկ Էրդողանի՝ Վաշինգտոն կատարած այցից հետո Թուրքիան չհրաժարվեց ռուսական Ս-400 հակահրթիռային համակարգերից: Սակայն չի բացառվում նաև, որ ուղերձներ կան հղվող նաև Հայաստանին, մասնավորապես՝ հայ հանրությանը:

Ռուսաստանն այժմ ակտիվ նախաձեռնող քաղաքականություն է վարում տարածաշրջանում, այդ թվում՝ որպես միջնորդ Արցախյան հակամարտության կարգավորման բանակցային գործընթացում: Թե՛ Երևանում, թե՛ Բաքվում ՌԴ արտգործնախարար Սերգեյ Լավրովը հայտարարեց, որ Ռուսաստանը պատրաստ է և՛ ԵԱՀԿ ՄԽ համանախագահության շրջանակներում, և՛ ազգային մակարդակով ակտիվ ջանքեր գործադրել: Բնական է, որ բանակցային գործընթացի ցանկացած առաջխաղացում, ստատուս-քվոյի ցանկացած խախտում բավական ցավոտ է լինելու կողմերի համար, և հանրային բացասական տրամադրություններ կարող է առաջացնել միջնորդի կամ միջնորդների նկատմամբ:

Այդ համատեքստում, չի բացառվում, որ ԱՄՆ-ից նման դրական ազդակները՝ ուղղված Հայաստանին, Ռուսաստանի հետ առկա պայմանավորվածությունների և տարածաշրջանում սպավող զարգացումների ֆոնին Վաշինգտոնի նկատմամբ դրական տրամադրվածություն ստեղծելու և ԱՄՆ դիրքերը տարածաշրջանում ամրապնդելու քաղաքականության մաս են:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 58%
Քամի՝ 4 կմ/ժ
-4 C°
 
-3°   
20.01.2020
-5°   
21.01.2020
Հարցում

Իրան-ԱՄՆ դիմակայության ուժեղացումը կանդրադառնա՞ Հայաստանի վրա: