ԵՐԵՎԱՆ 7 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 197,5 դրամ ԱՐԾԱԹ - 231 դրամ ՊԼԱՏԻՆ - 11 890,47 դրամ

«Փաշինյան-Ալիև շոուն» իսկզբանե դատարապարտված էր տապալման

Փետրվարի 15-ին Մյունխենի անվտանգության համաժողովի շրջանակներում տեղի ունեցած Նիկոլ Փաշինյանի և Իլհամ Ալիևի բաց հանդիպումն իսկզբանե դատարապարտված էր անհաջողության:

Մյունխենի համաժողովի շրջանակներում Հայաստանի և Ադրբեջանի ղեկավարների մասնակցությամբ Արցախյան հակամարտության վերաբերյալ բաց քննարկում կազմակերպելու գաղափարը հանրայնացվել էր դեռ 2018-ին և քննադատության էր արժանացել: Պատճառները մի քանիսն են:

Առաջինը, առկա է ԵԱՀԿ ՄԽ համանախագահության միջնորդությամբ ընթացող փակ բանակցային գործընթաց, իսկ քննարկումներն այլ հարթակներ տեղափոխելը մշտապես եղել է Ադրբեջանի ցանկությունը: Այդ կերպ Բաքուն նպատակ ունի ստանալ հարցի քննարկման իր համար ավելի նպաստավոր, ոչ բալանսավորված հարթակներ, որոնցում ավելի հեշտ կլինի առաջ մղել իր շահերը:

Երկրորդ, իսկզբանե ակնհայտ էր, որ քիչ հավանական է, որ Ադրբեջանի առաջնորդն այդ միջազգային հարթակում կառուցողական դիրքորոշում կորդեգրի: Ադրբեջանական լսարանի համար նրա հայտարարություններում որևէ որակական փոփոխություն չի նկատվում՝ ո՛չ հայտյացությունը, ո՛չ ագրեսիան, ո՛չ առավելապաշտությունը չեն պակասել: Բնական է, որ այս միջազգային հարթակն էլ օգտագործվելու էր այդ նույն քաղաքականությունը շարունակելու համար, որպեսզի ցույց տա սեփական հանրությանը, որ այդ ամենն ասում է ի լուր աշխարհի և անձամբ Հայաստանի ղեկավարին:

Երրորդ, վերջին շրջանում հումանիտար նախաձեռնություններ էին իրականացվում, որոնց միջոցով փորձ էր արվում ցույց տալ, որ կողմերն ընդունակ են դրական փոփոխությունների, պատրաստ են հանրություններին խաղաղության պատրաստել և ընդհանրապես՝ ունակ են պայմանավորվել և կյանքի կոչել պայմանավորվածը: Սակայն, սա գործընթացի միայն ձևական և բուն հակամարտության հետ շատ քիչ առնչություն ունեցող կողմն է: Սպասելի էր, որ կողմերն ունակ չէին լինելու հանրային կերպով կառուցողական երկխոսություն ունենալ հակամարտության բուն էության մասին: Դրա համար, նախ նրանք պետք է դա կարողանային անել փակ դռների հետևում:

Սակայն, Հայաստանը գնաց նման քննարկման, ավելին՝ գնաց առանց Արցախի նախագահի: Մինչ դեռ, բանակցային գործընթացում Արցախի ներգրավման անհրաժեշտության մասին հայտարարող վարչապետը, այս քննարկումից գոնե որևէ օգուտ քաղելու համար պետք է պահանջեր նաև Արցախի նախագահի մասնակցություն: Կամ էլ՝ չմասնակցեր քննարկմանը, այդ պահանջի չկատարման պատճառով:

Արդյունքում, այս անգամ արդեն անմիջապես Ալիև-Փաշինյան երկխոսությանն ականատես լինելով, համոզվեցինք, որ Հայաստանի վարչապետը նույնիսկ Արցախյան հակամարտության հարցում առավել կարևորում է «հեղափոխությունները», քան իրական գերակայությունները և չի կարողանում հստակ պատասխաններ տալ տարիներ ի վեր ծեծված ու ստերով փաթեթավորված փաստարկներին, բանաձևային ամրագրել Հայաստանի մոտեցումները սկզունքային հարցերում: Այս ամենը տեսնելով՝ դժվար չի պատկերացնել, թե ինչ է տեղի ունենում արդեն փակ դռների հետևում իրական բանակցային գործընթացում:

Ի դեպ, այս հանդիպմանը նախորդել էր Ալիև-Փաշինյան առանձնազրույցը, որը հնարավորություն էր տալիս որոշակի «ջենտլմենական» պայմանավորվածություն ձեռք բերել, սակայն արդյունքը ցույց տվեց, որ դա անել կողմերը չէին փորձել կամ չէին կարողացել:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Անձրև
Խոնավություն՝ 79%
Քամի՝ 7 կմ/ժ
8 C°
 
  13° 
02.04.2020
  14° 
03.04.2020
Հարցում

Բավարա՞ր եք համարում Հայաստանում կորոնավիրուսի համաճարակի տարածման դեմ ձեռնարկվող միջոցները: