ԵՐԵՎԱՆ 16 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 845,78 դրամ ԱՐԾԱԹ - 281,71 դրամ ՊԼԱՏԻՆ - 12 890,81 դրամ

Փաշինյանի աննախադեպ ներդրումային մեխանիզմն ու իրական բացասական նախադեպերը

Վարչապետ Նիկոլ Փաշինյանի՝ մայիսի 16-ի ասուլիսի ժամանակ ի թիվս մի շարք հարցերի, խոսք գնաց նաև ներդրումային նախագծերի մասին: Խոսելով ավելի վաղ հայտարարված հետճգաժամային տնտեսական միջոցառումների փաթեթի մասին (ավելի վաղ խոսվել էր 80 մլրդ դրամի ներդրումների մասին)՝ վարչապետը նշեց, որ Կառավարությունը պատրաստվում է աննախադեպ ներդրումային մեխանիզմներ ներնել, առաջին փուլով շուրջ 50 մլրդ դրամ ներդրումներով:

Թե ինչ մեխանիզմների մասին է խոսքը, վարչապետը չբարձրաձայնեց: Այստեղ իրականում հարցերի շարք է առաջանում, ո՞ր ոլորտներ են ուղղվելու այդ ներդրումներն, ըստ այդմ՝ ո՞ր ոլորտի ներկայացուցիչները պետք է շահագրգիռ լինեն պահպանելու տնտեսական ակտիվության մեկնարկային վիճակը, ի՞նչ մեթոդներով են ընտրվելու շահառուները, որո՞նք են այն նոմինալ պահանջները, որոնցով այս կամ այն սուբյեկտն իրեն կարող է համարել շահառու և այլն: Այս և նմանատիպ այլ հարցերի պատասխաններ տնտեսական հանրույթը լավ կլինի ստանա օր առաջ, որպեսզի հետագայում՝ արդեն իրականացման փուլում, ծրագրերն ունենան մաքսիմալ արդյունավետություն, այդ թվում՝ ի հաշիվ հասցեականության և մասսայականության: Ինչևէ, Կառավարությունն այս պահին նախընտրում է լռել ներդրումային «նախկինում գոյություն չունեցող մեխանիզմների» մասին, ինչը  տեղիք է տալիս ենթադրության, որ դրանք դեռևս լիարժեք պատրաստ չեն:

Այն, որ այդ մեխանիզմների մասին առ այսօր բաց դաշտում դեռևս կա միայն այն, ինչ ասել է Նիկոլ Փաշինյանը, թույլ է տալիս հանգել եզրակացության, որ դրանց շուրջ չկան մասնագիտական, ոլորտային ներկայացուցիչների հետ քննարկումներ: Եվ քանի որ դեռևս չկա նախագիծն, ուստի խիստ կողմնակալ կարող է հնչել ցանկացած գնահատական այդ ուղղությամբ: Մինչդեռ կան որոակի փաստեր, որոնք ձևավորել են արդեն ոչ այնքան լավ նախատրամադրվածություն իրականացվող նախագծերի նկատմամբ:

Եթե ժամանակային առումով շատ ետ չգնանք, ապա հետկորոնավիրուսային աջակցության ծրագրերն իրենց արդյունավետությամբ, մեղմ  ասած, չեն փայլում: Իսկ ահա այդ նախագշերի պոստֆակտում առաջացրած խնդիրները, օրինակ հասցեականության հետ կապվածները, օժանդակություն ստացողներից ետ գանձելու պահանջը և այլն, պարզապես վկայում են այդ նախագծերի մշակման ու իրականացման կառավարման ապաշնորհության մասին: Այդ ծրարգրեի պարագայում ևս, լայն քննարկումներ, բաց ուսումնասիրություններ չկային, ինչն, արդարության համար պետք է նշել, որ կարելի է բացատրել ժամանակի սղությամբ: Բայց միևնույն է, կառավարման տեսանկյունից ունենք վատ նախադեպ:

Մինչդեռ նույնը չէ իրավիճակը հետկորոնավիրուսային ժամանակաշրջանի համար նախանշված ծրագրերի դեպքում, երբ կարելի է լինել իսկապես թափանցիկ, ունենալ լայնաշավալ քննարկումներ, խուսափելու համար սպասվող 50 մլրդ դրամի անարդյունավետ ծախսից:  Պարզապես փոքրիկ ակնարկ այս կապակցությամբ. եթե սոցիալական աջակցության անարդյունավետ ծախսի համար կարելի է մեղադրել  մեր այն համաքաղաքացիներին, ովքեր անհայտ պարամամետրերով չեն համարվում այս ծրագրերի շահառու  և դրանով հարցը փակել «մենք արել ենք, ստացողներն են սխալ ստացել» տրամաբանությամբ, բայց տնտեսական օժանդակության սխալ իրականացման ներքո խնդիրը չի դիտվելու միայն պետական միջոցների անարդյունավետ կառավարման համատեքստում…

 

 

 

 


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 58%
Քամի՝ 6 կմ/ժ
16 C°
 
14°  28° 
04.06.2020
17°  27° 
05.06.2020
Հարցում

Բավարարվա՞ծ եք ՄԻԵԴ որոշումով՝ կապված Գուրգեն Մարգարյանին սպանողին հերոսացնելու գործի հետ: