ԵՐԵՎԱՆ
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28 158,43 դրամ ԱՐԾԱԹ - 353,67 դրամ ՊԼԱՏԻՆ - 14 754,82 դրամ

Հստակ ընդգծված միտումով տնտեսական ակտիվությունը նվազում է

Տնտեսական ակտիվության ցուցանիշի (ՏԱՑ) աճը նվազում է. փաստում է Վիճ. Կոմիտեն:

2021թ. հունվար-սեպտեմբերի ՏԱՑ-ը հունվար-սեպտեմբերի համեմատ աճել է 4,4 տոկոսով:

Այսպիսով, ՏԱՑ-ի աճի տեմպերը շարունակում են թուլանալ: 2021թ. հունվար-օգոստոսին 2020թ.-ի նույն ժամանակահատվածի համեմատ, օրինակ նույն ՏԱՑ-ի աճը կազմել է 4,9 տոկոս:  2021թ.-ի հունվար-հուլիսի վիճակագրությունը 2020թ.-ի հետ համեմամտած, ցուցադրել է 5,2 տոկոս ՏԱՑ-ի աճ:  Վերջին երեք ամիսների վիճակագրությամբ աճի նվազման միտումն ակնհայտ է (5,2 %, 4,9 %, 4,4 %):

Նույնանման պատկեր ունենք մյուս մակրոտնտեսական ցուցանիշների պարագայում:

 

Արտաքին առևտրաշրջանառություն (ընթացիկ գներով)

2021թ. հունվար-հուլիսը 2020թ. հունվար-հուլիսի համեմատ- 15,1 % ↑

2021 թ. հունվար-օգոստոսը 2020թ. հունվար-օգոստոսի համեմատ- 12,7 % ↑

2021թ. հունվար-սեպտեմբերը 2020թ. հունվար-սեպտեմբերի համեմատ- 12,2 % ↑

 

Արդյունաբերություն (համադրելի գներով)

2021թ. հունվար-հուլիսը 2020թ. հունվար-հուլիսի համեմատ- 2,1 % ↑

2021 թ. հունվար-օգոստոսը 2020թ. հունվար-օգոստոսի համեմատ- 1,0 % ↑

2021թ. հունվար-սեպտեմբերը 2020թ. հունվար-սեպտեմբերի համեմատ- 0,7 % ↑

 

Շինարարություն (համադրելի գներով)

2021թ. հունվար-հուլիսը 2020թ. հունվար-հուլիսի համեմատ-8,8 % ↑

2021 թ. հունվար-օգոստոսը 2020թ. հունվար-օգոստոսի համեմատ-7,3 % ↑

2021թ. հունվար-սեպտեմբերը 2020թ. հունվար-սեպտեմբերի համեմատ-6,4 % ↑

 

Սպառողական գների ինդեքսը

2021թ. հունվար-հուլիսը 2020թ. հունվար-հուլիսի համեմատ- 6,1 % ↑

2021 թ. հունվար-օգոստոսը 2020թ. հունվար-օգոստոսի համեմատ- 6,4 % ↑

2021թ. հունվար-սեպտեմբերը 2020թ. հունվար-սեպտեմբերի համեմատ- 6,7 % ↑

 

Ծառայություններ (համադրելի գներով)

2021թ. հունվար-հուլիսը 2020թ. հունվար-հուլիսի համեմատ- 4,4 % ↑

2021 թ. հունվար-օգոստոսը 2020թ. հունվար-օգոստոսի համեմատ- 5,3 % ↑

2021թ. հունվար-սեպտեմբերը 2020թ. հունվար-սեպտեմբերի համեմատ- 5,4 % ↑

 

Ստացվում է, որ Տնտեսական ակտիվության ցուցանիշի աճի տեմպի անկմանը զուգահեռ վերջին երեք ամիսներին անկում են ապրել  նաև արտաքին առևտրաշրջանառության, շինարարության և արդյունաբերության աճի տեմպերը: Սպառողական գների ինդեքսը շարունակում է աճել՝ պահպանելով  թանկացումների՝ վերջին ժամանակահատվածի բնորոշ անընդհատությունը:

Դրական դինամիկա է գրանցվել ծառայությունների դեպքում՝  վերջին երեք ամիսների ընթացքում  նախորդ տարվա համադրելի ժամանակահատվածների համեմատ աճի տեմպի ավելացման տեսքով:

Նշենք նաև, որ հոկտեմբերի 25-ի դրությամբ Վիճակագրական կոմիտեի կողմից ստացված օպետարտիվ տվյալներով ստացվել է նաև գյուղատնտեսական համախառն արտադրանքի ցուցանիշը. 2021թ. հունվար- սեպտեմբերին 2020թ. հունվար – սեպտեմբերի համեմատ գրանցվել է 1,5 % անկում:

Ի դեպ, գյուղատնտեսության հետ կապված խնդիրներն արտացոլվում են նաև սպառողական գների ինդեքսի բացվածքում: Այսպես, Վիճ. Կոմիտեի՝ հոկտեմբերի 5-ին ստացված տվյալներով, բանջարեղենի ապրանքախմբում 2021թ. սեպտեմբերին 2020թ. սեպտեմբերի համեմատ արձանագրվել է 64.5% գնաճ: Միևնույն ժամանակ օրերս տեղեկացանք կարտոֆիլի արտահանման աննախադեպ աճի մասին, ինչը  եղած վիճակագրության հետ համադրելիս, թույլ է տալիս ենթադրելու, որ հնարավոր է՝ ունենք ներքին պահանջակի բավարարման խնդիր:

Ամփոփելով նշենք, որ դեպի տարեվերջ հիմնական ցուցանիշների աճի դանդաղումը վկայում է նախորդ տարվա ճգնաժամային ցուցանիշների հետ համեմատության էֆեկտի թուլացմամբ մի կողմից, տնտեսության իրական հատվածում  տեղի ունեցող բացասական միտումներով, մյուս կողմից:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ %
Քամի՝ կմ/ժ
0 C°
 
16°  27° 
10.12.2021
17°  30° 
11.12.2021
Հարցում

Ի՞նչ եք կարծում, կխորանա՞ արդյոք Իրանի և Ադրբեջանի միջև լարվածությունը: