Թրամփը խոստացել է Քլինթոնին բանտ նստեցնել

• 03.06.2016, 11:46
•  Ամերիկա,  Աշխարհ

Dennis Van Tine / Geisler-Fotopres / Globallookpress.com

ԱՄՆ նախագահի հանրապետական թեկնածու միլիարդատեր Դոնալդ Թրամփը կարծում է, որ Դեմոկրատական կուսակցությունից իր մրցակից Հիլարի Քլինթոնը պետք է հայտնվի բանտում։

Ինչպես հայտնում է The Hill-ը, Թրամփը պատասխանել է Քլինթոնի մի շարք հայտարարություններին, որոնցում նա միլիարդատիրոջը մեղադրել է «վտանգավոր չկապակցված գաղափարների համար»։

Թրամփը հիշեցրել է Քլինթոնի՝ պետքարտուղար եղած ժամանակ գաղտնի նամակագրությանն առնչվող սկանդալի մասին, ինչը նրա խոսքով՝ Քլինթոնին արդեն դարձնում է «սաստիկ մեղավոր»։ «Գիտեք, թե ինչու է նա աջակցել Օբամային Իրանի հետ միջուկային գործարքում։ Նա պարզապես չի ցանկանում բանտ նստել իր նամակների համար»,- ասել է Թրամփը։

«Այն, որ գործող իշխանությունը թույլ է տալիս նրան մասնակցել այդ արշավին, ամոթ է ԱՄՆ-ի համար, ամոթ՝ մեր ազգի համար»,- եզրափակել է միլիարդատերը։