ԵՐԵՎԱՆ 30 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԱՄՆ գալիք ընտրություններն ու Հայաստանը

Ամերիկայի Միացյալ Նահանգներում նախագահական ընտրությունները մոտենում են եզրափակչին: Նոյեմբերի 8-ին կկայանա տարվա ամենակարևոր քաղաքական իրադարձություններից մեկն աշխարհում, որի արդյունքներից բավական շատ բան է կախված:

ԱՄՆ նախագահի ընտրությունը կարելի է ասել «համաշխարհային ընտրություն» է՝ հաշվի առնելով այդ երկրի ազդեցությունը բոլոր տարածաշրջաններում: Այդ ընտրություններն այս կամ այն չափով իրենց կարևորությունն ու հետաքրքրությունն ունեն նաև Հարավային Կովկասի երկրների, այդ թվում Հայաստանի համար:

Թեկնածուները, ինչպես հայտնի է, երկուսն են՝ սկանդալային միլիարդատեր Դոնալդ Թրամփը՝ Հանրապետական կուսակցությունից, ով ավելի շատ մեկուսացման քաղաքականության կողմնակից է  և չի ցանկանում ԱՄՆ-ին շատ ներգրավել տարբեր հակամարտությունների մեջ, և երկրի նախկին պետքարտուղար Հիլարի Քլինթոնը՝ Դեմոկրատական կուսակցությունից, ով ավելի լավ է տեղեկացված մեր տարածաշրջանային:

Քաղաքագետները պնդում են, որ Թրամփը  խիստ սահմանափակ պատկերացումներ ունի Հարավային Կովկասի մասին: Նրա միակ փորձը եղել է Ադրբեջանի նախագահ Իլհամ Ալիևի հետ բիզնես մակարդակով առնչություն ունենալը, իսկ Քլինթոնն անձամբ եղել է թե՛ Բաքվում, թե՛ Երևանում և շատ լավ գիտի Ղարաբաղյան հակամարտության նրբությունները:

Քլինթոնը նաև քաջատեղյակ է Հայաստան-Թուրքիա հարաբերությունների վերաբերյալ, որոնց կարգավորման արձանագրությունների գործընթացի ժամանակ աշխատել է ՀՀ արտաքին գործերի նախարարի հետ՝ դեռևս ԱՄՆ պետքարտուղար եղած ժամանակ:

Բացի այդ, պետք է նշել, որ Քլինթոնը, ինչպես նաև ամբողջ դեմոկրատական կուսակցությունը ավելի սերտ հարաբերություններ ունեն ամերիկահայ քվեարկողների և լոբբիստական կազմակերպությունների հետ:

Չնայած Օբամայի օրոք ապրած հիասթափությունից հետո նույն լոբբիստական կառույցները մեծ ակնկալիքներ չունեն ԱՄՆ կողմից Հայոց ցեղասպանության ճանաչման հետ կապված, այնուամենայնիվ ամերիկահայ համայնքն առավել հակված է աջակցել հենց Քլինթոնին:

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 19%
    Քամի՝ 1,54 կմ/ժ
    30 C°
     
    31°  19° 
    14.06.2024
    31°  20° 
    15.06.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: