ԵՐԵՎԱՆ 24 C°
ՀՀ ԿԲ -
  • USD - 408 դրամ -0,2 EUR - 416 դրամ -0,32 RUB - 6 դրամ -0,61 GBP - 486 դրամ -0,74
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԱՄՆ և Պաղեստինի ներկայացուցիչները ՄԱԿ ԱԽ նիստում վիճաբանել են

7Kanal.co.il

ԱՄՆ-ի իսրայելա-պաղեստինյան հակամարտության «դարի գործարքի» առանցքային ճարտարապետներից մեկը՝ Ջեյսոն Գրինբլաթը, քննադատել է ՄԱԿ «հակաիսրայելական դիրքորոշումը»՝ կոչ անելով աջակցել Թրամփի վարչակազմի «տեսլականին»: NEWS.am-ի հաղորդմամբ,  Պաղեստինի ԱԳ նախարար Ռիադ Մալքին մերժել է ԱՄՆ խաղաղ ջանքերը՝ հայտարարելով, թե բոլոր նշանները կան, որ ծրագիրը նախատեսում է «հանձնելու համար պայմաններ», փոխանցում է AP-ն:

Գրինբլաթը հայտարարել է, թե «զարմանալի ու անարդարացի» է, որ Ինդոնեզիան, Քուվեյթը և Հարավային Աֆրիկան կազմակերպել են ՄԱԿ Անվտանգության խորհրդի նիստ և դատապարտել են Իսրայելի վարքագիծը, երբ նրան «անգամ չեն հրավիրել ելույթ ունենալու այս նստաշրջանում»:

Նա իսրայելական բնակավայրերի վրա ՄԱԿ ԱԽ «սևեռուն» կենտրոնացվածությունն անվանել է «ֆարս»՝ հայտարարելով, որ բնակավայրերը Իսրայելին և պաղեստինցիներին չեն խանգարում խաղաղության շուրջ բանակցություններ վարել: Նրա խոսքով՝ ՄԱԿ ԱԽ-ն պետք է ուշադրությունը նաև կենտրոնացնի  «ահաբեկիչների» ընտանիքներին վճարելու պաղեստինյան պրակտիկայի վրա, այլ ոչ այն բանի, թե Միացյալ Նահանգներն ինչպես է կարող աջակցել Պաղեստինի բյուջեին: Թրամփի վարչակազմը կտրուկ կրճատել է պաղեստինցիներին իր օգնությունը, որպեսզի փորձի արագացնել նրանց վերադարձը բանակցություններին:

Պաղեստինի ԱԳ նախարարի խոսքով՝ այն բանից հետո, երբ ԱՄՆ նախագահ Դոնալդ Թրամփը Երուսաղեմը Իսրայելի մայրաքաղաք ճանաչեց, ինչը «միջազգային իրավունքի աղաղակող խախտում է, անհնար է հավատալ» խաղաղ ծրագրին, որը 2 տարի մշակվել է Գրինբլաթի և նախագահի ավագ խորհրդական ու փեսա Ջարեդ Քուշների ղեկավարած խմբի կողմից:

«ԱՄՆ վարչակազմի յուրաքանչյուր որոշում հասատատում է նրա քամահրանքը պաղեստինցիների կյանքի, նրանց իրավունքների և 2 պետության սկզբունքի հանդեպ»,- ասել է նա:

«Մենք, ցավոք, չենք կարող մեզ թույլ տալ չմասնակցել խաղաղ ջանքերին,- ասել է Մալքին: - Ամեն ինչ մատնացույց է անում այն, որ սա խաղաղ ծրագիր չի, այլ ավելի շուտ՝ հանձնելու համար պայմաններ, և ոչ մի փող չի կարող այն ընդունելի դարձնել»:

ԱՄՆ-ն նախատեսում է ծրագիրը հրապարակել հունիսին:

Գրինբլաթը ԱԽ-ում հայտարարել է, որ «խաղաղության տեսլականը, որը մենք շուտով կառաջարկենք, իրատեսական և իրականանալի կլինի» ու «բավականին մանրամասն կշարադրի հակամարտության հիմնական խնդիրները, որպեսզի յուրաքանչյուրը կարողանա պատկերացնել, թե ինչպիսին կլինի խաղաղությունը»: «Սա երկու կողմերի համար փոխզիջումների ճիշտ փաթեթ է, որպեսզի անցյալը հետևում թողնեն, և նոր գլուխ սկսեն, որում կարող են տարածաշրջանի համար ահռելի հույսեր և հնարավորություններ լինել»,- հավելել է նա:

Նրա խոսքով՝ «մենք շարունակելու ենք ճշմարտությունն ասել, նույնիսկ եթե դա ցանկալի չէ», սկսած մի քանի օր առաջ Գազայից «դաժան, հանդուգն, չսադրված հարձակումը դատապարտելու ՄԱԿ անընդունակությունից»:

Մալքին հետո լրագրողներին ասել է, որ ԱՄՆ դեսպանորդի դիտարկումները իրեն ԱՄՆ խաղաղ ծրագրի հանդեպ հույս չեն ներշնչում: «Ինձ թվում էր, թե իսրայելցի հռետորի եմ լսում, այլ ոչ թե ամերիկացի պաշտոնյայի,- ասել է նա: - ԱՄՆ դիրքորոշումը, կարծես թե, լիովին Իսրայելի օգտին է»:

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 29%
Քամի՝ 6,69 կմ/ժ
24 C°
 
31°  18° 
07.07.2022
34°  19° 
08.07.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: