ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Դեպի COP22 Համաժողով. «Հայաստան Ծառատունկ Ծրագիրը» միանում է «Կլիմայի համաշխարհային շարժմանը»

«Էյ Թի Փի» բարեգործական հիմնադրամը Իմփաքթ Հաբ Երևանի հետ միասին միացել է «Ecopreneurs for the Climate» համաշխարհային շարժմանը և հրավիրում է երևանյան միջոցառմանը, որը տեղի կունենա Իմփաքթ Հաբում հոկտեմբերի 24-ին, ժամը՝ 19:00: Այդ մասին տեղեկանում ենք «Էյ Թի Փի» հիմնադրամի տարածած հաղորդագրությունից: 

«Կանաչ ձեռնարկատիրություն և Կլիմայի փոփոխություններ» խորագրով միջազգային շաբաթվա ընթացքում (սույն թվականի 24-30)  աշխարհի տարբեր քաղաքներում, շրջաններում և համայնքներում  կանցկացվի «Կլիմայի չեմպիոն» մրցանակաբաշխությունը, ինչպես նաև  կքննարկվեն կլիմայի գլոբալ փոփոխություններին առնչվող  բազմաթիվ նորարարական գաղափարներ: Միջոցառման նպատակն է խթանել  բնապահպանական մոտեցումներն ու առաջ քաշել կլիմայի փոփոխությունների նվազեցմանն ուղղված լուծումներ:

Կլիմայի ազդեցության միջազգային օրը՝ հոկտեմբերի 24-ին, անցկացվող միջոցառման նպատակն է ստեղծել միջազգային ցանց, որի շնորհիվ հնարավոր կլինի կապ հաստատել աշխարհի տարբեր կազմակերպությունների հետ և նրանց ներկայացնել բնապահպանական ձեռնարկատիրական լուծումներ:

Միջոցառման կարևորագույն նպատակներից է նաև մասնակիցներին և մրցույթի հաղթողին հնարավորություն ընձեռել մասնակցելու և տարածելու բնապահպանական թեմաներով նորագույն գաղափարների գեներացմանը և ամենաակտիվ մասնակցին նոմինացնել Մարաքեշում COP22 Կլիմայի փոփոխության համաշխարհային համաժողովին մասնակցության համար:

Փարիզյան  համաձայնագիրն արդեն իրականություն է, իսկ Մարաքեշը նպատակ ունի նախաձեռնել գործնական քայլեր՝ համաձայնագրի դրույթների իրականացման ուղղությամբ:

Միջոցառման մասնակից դառնալու համար հրավիրում ենք ձեռնարկատերների, հասարակական ակտիվիստների, կազմակերպությունների և ԶԼՄ-ների՝ կիսելու   կուտակված փորձը և խթանելու կանաչ ձեռնարկատիրական ցանցերին  և նոր գաղափարների ձևավորմանը:

Ընտրության նախնական փուլն անցած ձեռնարկատերերը և հասարակական ակտիվիստները լսարանին կներկայացնեն կլիմայի փոփոխության մեղմացմանն ուղղված իրենց լուծումները: Այնուհետև լսարանի և ժյուրիի կողմից կընտրվի երևանյան հաղթողը: Այնուհետև բոլոր երկրների հաղթողներից Բարսելոնայում, պատահականության սկզբունքով, կընտրվի «Կլիմայի չեմպիոնին», ով իր գաղափարներով  կկիսվի COP 22-ի ընթացքում:

Գրեթե կես օր տևող միջոցառումը կամփոփվի  «Կլիմայի չեմպիոն» մրցանակաբաշխությամբ:

Մասնակցության  համար կարող են դիմել ձեռնարկատերեր, բնապահպանական կազմակերպություններ և միջազգային գործընկերներ, որոնց խրախուսվում է միանալ այս շարժմանն ու առաջնորդել համայնքներին՝ միասին ստեղծելու կլիմայի փոփոխություններից զերծ առողջ ապագա:

Ընդհանուր առմամբ, մինչև հոկտեմբերի 20-ը կընտրվի 8 մասնակից՝ 4 ձեռնարկատեր և 4 հասարակական ակտիվիստ (անհատ կամ կազմակերպություն):

Միջոցառմանը օրակարգը ստորև՝

  • Ներածություն. մասնակիցներն ամփոփ կներկայացնեն իրենց կազմակերպությունները (10 րոպե);
  • Մասնակիցների ներկայացում, տեսլականի ու կլիմայի փոփոխությունների նվազեցմանն և ադապտացմանն ուղղված ռազմավարական մոտեցումների ներկայացում (50 րոպե);
  • Կլիմայի նորարական  լաբորատորիայի գեներացում, տարբեր ձևաչափով բաց քննարկումներ, որտեղ կանաչ տնտեսության հիմնական շահառուները  կներկայացնեն կլիմայի փոփոխությունների հետևանքով  շրջակա միջավայրի առջև ծառացած մարտահրավերների դիմակայումը և դրանց հնարավոր լուծումները  (1ժամ);
  • Ընդմիջում  (15 րոպե);
  • «Կլիմայի չեմպիոն» մրցանակ  (45 րոպե)

Մասնակցության համար անհրաժեշտ է գրանցվել մինչև հոկտեմբերի 19-ը:

Ձեր նախաձեռնությունը/կազմակերպությունները պետք  է 5 րոպեում ներկայացնել Պեչա Կուչա շատ պարզ ձևաչափով և անգլերեն լեզվով:

Լսարանին միանալու և քվեարկելու համար մուտքն ազատ է: 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 27%
    Քամի՝ 0 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: