Հրապարակվել են Արցախի համապետական ընտրությունների նախնական արդյունքները

• 01.04.2020, 14:08
•  ԼՂՀ

Արցախի Հանրապետության ԿԸՀ նախագահը մամուլի ասուլիսում հրապարակեց մարտի 31-ին տեղի ունեցած Արցախի Հանրապետության նախագահի և Ազգային Ժողովի ընտրությունների նախնական արդյունքները:

Նախագահի թեկնածուներից ոչ մեկին չի հաջողվել հաղթահարել 50 տոկոսանոց շեմը: Արայիկ Հարությունյանը ստացել է կողմ քվեարկած ձայների 49,26 տոկոսը, Մասիս Մայիլյանը՝ 26,4 տոկոսը: Այս երկու թեկնածուները կպայքարեն ընտրությունների երկրորդ փուլում, որն ըստ ԱՀ ընտրական օրենսգրքի պետք է տեղի ունենա երկու շաբաթ անց՝ ապրիլի 14-ին:

Ազգային Ժողովի ընտրություններում նվազագույն շեմը՝ կուսակցությունների համար 5 տոկոս, քաղաքական դաշինքների համար՝ 7 տոկոս, հաղթահարել է 5 քաղաքական ուժ:

Առաջին տեղում է «Ազատ հայրենիք-ՔԴՄ դաշինքը»՝ 40,6 տոկոսով:

Երկրորդ տեղում ՝ «Միասնական հայրենիք» կուսակցությունը՝ 23,63 տոկոսով:

Երրորդ տեղում՝ Արցախի «Արդարություն» կուսակցությունը՝ 7,9 տոկոսով:

Չորրորդ տեղում՝ ՀՅ Դաշնակցություն կուսակցությունը՝ 6,4 տոկոսով:

Հինգերորդ տեղում՝ ԱԺԿ-ն՝ 5,81 տոկոսով:

Առաջին անգամ խորհրդարանական ընտրություններն անցկացվել են միայն համամասնական ընտրակագով:

Մասնակցությունը ընտրություններին կազմել է 73,5 տոկոս: